"Fənərbağça" Avropa Liqasını qazandı
"Turkish Airlines EuroLeague Final Four" basketbol yarışında Türkiyə təmsilçisi “Fənərbağça” komandası Fransa klubu “Monako” ilə üz-üzə gəlib.
Sportline.az xəbər verir ki, Abu Dabidə yerləşən "Etihad Arena"da keçirilən qarşılaşmada ilk dövrə 20-18 hesabı ilə “Monako”nun üstünlüyü ilə başa çatdı.
İkinci dövrədə “Fənərbağça” effektiv oyunla üstünlük qazandı və fasiləyə 35-33 hesabı ilə öndə yollandı.
Üçüncü dövrə yüksək tempdə keçdi. Son 10 saniyədə Nigel Hayes-Davis-in atdığı üçlük sayəsində “Fənərbağça" 54-51 hesabı ilə üstün oldu.
Son dövrədə “Fənərbağça” 81-70 hesabı ilə qalib gəldi.
“Fənərbağça"nın 2-ci Avroliqa çempionluğu
İstanbulda 2017-ci ildə keçirilən Final Four turnirində ilk dəfə EuroLeague kubokunu qazanan “Fənərbağça Beko” 8 ildən sonra ikinci Avropa qələbəsini əldə etdi. Komanda, 2016 və 2018-ci illərdə də finala yüksəlmişdi.
