Floriyan Virts İngiltərə nəhənginə transfer ola bilər
“Bayer”in almaniyalı ulduz futbolçusu Floriyan Virts karyerasını İngiltərə Premyer Liqasında davam etdirə bilər.
Sportline.az “Caught Offside” nəşrinə istinadən xəbər verir ki, “Mançester Siti” klubunun rəhbərliyi Floriyan Virts transferində israrlıdır. İngiltərə klubunun rəsmiləri oyunçunun meneceri ilə danışıqlar aparır.
“Mançester Siti” klubu Virts transferini mövsümün sonuna qədər həll etmək istəyir.
“Bayer” klubu 21 yaşlı futbolçu üçün “Mançester Siti”dən 130 milyon avro tələb edir.
Qeyd edək ki, Floriyan Virtsin “Bayer”lə müqaviləsi 2027-ci ilin iyun ayında başa çatacaq.
