“Indian Wells” tennis turnirində gözənilməz nəticələr

“Indian Wells” tennis turnirində mübarizə davam edir.

Sportline.az xəbər verir ki, kişilərin yarışında 1/16 final mərhələsinin oyunları keçirilib. Ən maraqlı duellərdən biri italiyali Matteo Berrettini ilə Amerika Birləşmiş Ştatlarından olan Teylor Frits arasında olub.

İtaliyalı raketka ustası favorit olsa da, Frits rəqibinin planlarını alt-üst edib. İlk setdə 6:4 hesabı ilə üstün olan amerikalı tennisçi ikinci hissədə daha asan qələbə qazanıb: 6:3. Hər iki setdə qalib gələn Teylor Frits mərhələ adlayıb.

Qadınların mübarizəsində isə 1/8 final yekunlaşıb. Latviyalı Yelena Ostapenka ilə polşalı İqa Şvöntek üz-üzə gəlib. Azarkeşlər WTA cədvəlinin ikinci pilləsində qərarlaşan Şvöntekin qələbəsinə inansalar da, bu baş verməyib.

Əksinə, ilk dəqiqələrdən üstünlüyə yiyələnən Yelena birinci hissədə 6:4 hesabı ilə qalib gəlib. Növbəti setdə isə rəqibini 6:3 hesabı ilə məğlub edən latviyalı raketka ustası adını ¼ finalçılar siyahısına yazdırıb.