"Kəpəz" cavab oyununa hazırlaşır
Azərbaycan kubokunun 1/4 final mərhələsinin cavab oyununda Gəncədə “Keşlə”ni qəbul edəcək “Kəpəz” qarşıdakı matçın hazırlıqlarına başlayıb.
SportLine.az-ın klubun saytına istinadən yaydığı xəbərə görə, Bakıda keçirilən ilk görüşdən sonra komanda üzvləri istirahət etmədən dünən məşqə çıxıblar. “Sarı-göylər” Azərbaycan Dövlət Bədən Tərbiyəsi və İdman Akademiyasının stadionunda hazırlıq keçib. Komandanın bugünkü məşqi isə Bakı Olimpiya Stadionunun yardımçı meydançasında olacaq.
“Kəpəz” oyun öncəsi son çalışmasını Gəncədə görüşün keçiriləcəyi şəhər stadionunda edəcək. Məşq prosesi dekabrın 13-ü saat 15:30-a təyin olunub.
