Konfrans Liqasında 1/8 finalın püşkü atılır

Bu gün UEFA Konfrans Liqasında 1/8 final mərhələsinin püşkü atılacaq.

Sportline.az xəbər verir ki, İsveçrənin Nyon şəhərində keçiriləcək tədbir Bakı vaxtı ilə saat 16:00-da başlayacaq.

Qrup qalibləri püşkdən öncə səpələnmişlər, pley-off mərhələsindən gələnlər isə səpələnməmişlər səbətində yer alıblar.

Qrup qalibləri ilk oyunu səfərdə keçirəcəklər.

UEFA Konfrans Liqası

1/8 final

Səpələnmişlər: "AZ Alkmaar" (Niderland), "Bazel" (İsveçrə), "Kopenhagen" (Danimarka), "Feyenoord" (Niderland), "Gent" (Belçika), LASK (Avstriya), "Renn" (Fransa), "Roma" (İtaliya)

Səpələnməmişlər: "Budyo Qlimt" (Norveç), "Lester" (İngiltərə), "Marsel" (Fransa), PAOK (Yunanıstan), "Partizan" (Serbiya), PSV (Niderland), "Slaviya" Praqa (Çexiya), "Vitess" (Niderland)

1/8 final mərhələsinin ilk matçları martın 10-da, cavab qarşılaşmaları isə martın 17-də oynanılacaq.

Xatırladaq ki, təmsilçimiz "Qarabağ" turnirin 1/16 finalına qədər irəliləyib və bu mərhələdə Fransa "Marsel"inə uduzaraq (1:3, 0:3) mübarizəni dayandırıb.