Konfrans Liqasının yarımfinalında VAR

Konfrans Liqasının yarımfinal mərhələsinin matçlarında VAR texnologiyası tətbiq ediləcək.

Sportline.az xəbər verir ki, bu barədə “Footbal Italia” məlumat yayıb. Hələ ki, texniki problemlər və kiçik klubların iştirak etdiyi yarışlarda VAR-ın ardıcıl şəkildə tətbiqinin çətinliyi səbəbindən turnirdə video köməkçi hakimdən istifadə edilməyib.

Əvvəlcə VAR-ın yalnız 25 may 2022-ci il tarixində Tirandakı (Albaniya) "Arena Kombëtare" stadionunda keçiriləcək Konfrans Liqasının final oyununda işləyəcəyi planlaşdırılırdı. Lakin UEFA VAR texnologiyasını artıq yarımfinalda tətbiq etməyə hazırdır.

Xatırladaq ki, Konfrans Liqasının yarımfinalında “Lester Siti” “Roma” ilə, “Feyenoord” isə “Marsel”lə qarşılaşacaq. Turnirin yarımfinal mərhələsinin ilk oyunları aprelin 27 və 28-də, cavab oyunları isə 4 və 5 mayda keçiriləcək.