Kristian Eriksen “Mançester Yunayted”dən ayrılacaq

“Mançester Yunayted”in danimarkalı futbolçusu Kristian Eriksenin mövsümün sonunda klubdan ayrılacağı gözlənilir.

Sportline.az insayder Fabritsio Romanonun məlumatına istinadən xəbər verir ki, “Mançester Yunayted” klubu Eriksenə yeni müqavilə təklif etməyəcək.

Eriksenin “Mançester Yunayted” klubu ilə müqaviləsi mövsümün sonunda başa çatacaq.

Qeyd edək ki, Kristian Eriksen 2022-ci ilin iyun ayından etibarən “Mançester Yunayted”də çıxış edir.

32 yaşlı futbolçu bu mövsüm bütün turnirlər daxil olmaqla çıxış etdiyi 13 matçda 4 qol və 3 asistlə yadda qalıb.