"Liverpul"a son dəqiqə şoku
“Liverpul” İngiltərə Premyer Liqasında növbəti oyununu keçirib.
Sportline.az xəbər verir ki, “mersisaydlılar” 10-cu turda “Brayton”un qonağı olub.
Əvvəlcə 20-ci dəqiqədə ev sahiblərinin oyunçusu Nil Maupey penalti epizodundan yararlana bilməyib. Bundan sonra 34-cü dəqiqədə Məhəmməd Salah da ("Liverpul") penaltidən fərqlənə bilməyib.
Nəhayət hesabı 60-cı dəqiqədə “qırmızılar”ın futbolçusu Dieqo Yota açıb. Paskal Qross isə 90-cı dəqiqədə “Brayton”u məğlubiyyətdən xilas edib- 1:1.
Qeyd edək ki, “Liverpul” bu heç-heçədən sonra 21 xalla aktivində 20 xalı olan “Tottenhem”i geridə qoyaraq, liderliyə yüksəlib. “”Çelsi” 18 xalla 3-cüdür. "Brayton" isə 10 xalla 16-cı pillədə qərarlaşıb.
