“Mançester Yunayted” – “Çelsi”: Düşərgələrdəki son durum

Bu gün İngiltərə Premyer Liqasında 10-cu tura yekun vurulur.

Sportline.az xəbər verir ki, turun mərkəzi matçı “Oldd Trafford” stadionunda keçiriləcək. “Mançester Yunated” “Çelsi” ilə münasibətləri aydınlaşdıracaq.

Heyətlərə nəzər saldığda “Mançester Yunayted”in ciddi itkilərinin olduğunu deyə bilərik. Meyson Mount, Hari Maqvayr, Leni Yoro, Luk Şou, Tayrel Malasiya, Kobi Meyno və Antoni zədə səbəbindən komandasında kömək edə bilməyəcək.

Rəqibindən fərqli olaraq “Çelsi” tam optimal heyətlə matça çıxacağı gözlənilir.

20:30 başlayacaq matçı 37 yaşlı Robert Cons idarə edəcək.

Qeyd edək ki, “Mançester Yunayted” 11 xalla 13-cü, “Çelsi” isə 17 xalla 6-cı pillədə yer alır.