“Mançester Yunayted” nigeryalı futbolçunun xidmətində maraqlıdır
“Bayer”in nigeryalı futbolçusu Viktor Bonifeys yanvar ayında “Mançester Yunayted”ə transfer olacaq.
Sportline.az futbol jurnalisti Florian Plettenberqin məlumatına istinadən xəbər verir ki, “Mançester Yunayted” klubu Bonifeys üçün “Bayer”ə 50 milyon avro ödəməyə hazırdır.
İngiltərə klubunun rəhbərliyi 23 yaşlı futbolçununun meneceri ilə danışıqlara başlayıb.
Bonifeysin “Bayer”lə müqaviləsi 2028-ci ilin iyun ayınadək nəzərdə tutulub.
Qeyd edək ki, Viktor Bonifeys bu mövsüm bütün turnirlər daxil olmaqla çıxış etdiyi 15 matçda 8 qol və 1 asistlə yadda qalıb.
