Mayk Taysonla Ceyk Polun döyüşünün saatı açıqlandı

Dünya boksunun əfsanəsi Mayk Taysonla məşhur videobloger Ceyk Polun qarşılaşması böyük maraqla gözlənilir.

Sportline.az xəbər verir ki, artıq döyüşün başlanma saatı da məlumdur.

Sabiq mütləq dünya çempionu ilə Ceyk Polun görüşü noyabrın 16-sı, Bakı vaxtı ilə saat 07:00-da  start götürəcək.

Gecə yarısında başlanacaq boks gecəsi  ABŞ-ın Arlinqton şəhərinin AT&T idman kompleksində təşkil olunacaq.

Rəqiblər hərəsi iki dəqiqədən ibarət, 8 raundluq döyüşdə münasibətləri aydınlaşdıracaqlar. 

Ciddi yaş fərqinə baxmayaraq, əksəriyyət bu dueldən "dəmir Mayk"ın qalib ayrılacağına ümid bəsləyir.

Qeyd edək ki, 58 yaşlı əfsanəvi boksçu peşəkar karyerası ərzində keçirdiyi görüşlərin 44-ü nokautla olmaqla 50-də qələbə qazanıb, 6-da məğlub olub.

27 yaşlı Ceyk Pol isə, 11 döyüşdən 10-da qalib gəlib (7 nokaut), 1-də məğlubiyyətlə barışıb. 

İlkin məlumatlara görə, Tayson bu döyüş üçün 20 milyon dollar, Pol 40 milyon dollar qonorar əldə edəcək.