Məşhur boksçu Tayson Fyuriyə üstünlük verdi

Superağır çəkidə sabiq mütləq dünya çempionu Riddik Bou Aleksandr Usiklə Tayson Fyurinin duelindəki favoritini açıqlayıb.

Sportline.az xəbər verir ki, məşhur dəri əlcək ustası "FightHype" Yutub kanalındakı çıxışında böyük maraqla gözlənilən döyüşdə Fyurinin qələbəsinə ümid bəslədiyini vurğulayıb.

Bou həmin görüşlə bağlı sualları belə cavablandırıb: "Düşünürəm ki, bu, əla döyüş olacaq. Üstünlüyü Fyuriyə verirəm. Fikrimcə Tayson Usiki 5-ci raundda məğlub edəcək".

Qeyd edək ki, sözügedən qarşılaşma fevralın 17-də Səudiyyə Ərəbistanının Ər-Riyad şəhərində təşkil olunacaq.