"Milan" 39 yaşlı əfsanəni heyətinə qatmaq istəyir

"Real Madrid"lə yollarını ayıran xorvatiyalı futbolçu Luka Modriç karyerasını İtaliya A Seriyasında davam etdirə bilər.

Sportline.az insayder Fabritsio Romanonun məlumatına istinadən xəbər verir ki, "Milan" klubu Modriçin xidmətində maraqlıdır.

39 yaşlı yarımmüdafiəçinin hazırkı dəyəri 5 milyon avrodur.

Qeyd edək ki, Modriç "Milan"a azad agent kimi transfer olmağa yaxındır.

O, ötən mövsüm meydana çıxdığı 57 matçda 4 qol 9 məhsuldar ötürmə müəllifi olub.

Xatırladaq ki, Modriç karyerası ərzində daha əvvəl "Zadar", "Dinamo Zaqreb", "Mostar", "İnter Zapreşiç" və "Tottenhem" kimi klublarda çıxış edib.