"Milan" fransalı ulduz üçün "Monako"ya ilk təklifini göndərib
"Milan" müdafiəçi Yussufa Fofana üçün "Monako" klubuna ilk təklifini göndərib.
Sportline.az Sport24.ru-ya istinadla xəbər verir ki, İtaliya klubu 25 yaşlı futbolçu üçün "moneqasklar"a 17 milyon avro təklif edib.
Fransa tərəfi yarımmüdafiəçi üçün 35 milyon avro istəyir, lakin daha az məbləğə də razılaşa bilər.
Xəbərdə Fofana ilə Avrokuboklarda iştirak etməyən bir İngilis komandasının da maraqlandığı bildirilib.Futbolçu özü bu variantı nəzərdən keçirmək istəmir.
Qeyd edək ki, fransalı futbolçu ötən mövsüm Liqa 1-də 32 oyuna çıxıb və 4 qol, 4 asistlə yadda qalıb.
