“Milan” klubu ingiltərəli futbolçu ilə maraqlanır
“Everton”un ingiltərəli futbolçusu Dominik Kalvert Luyin yanvar ayında “Milan”a transfer ola bilər.
Sportline.az “Team Talk” nəşrinə istinadən xəbər verir ki, “Milan” klubunun rəhbərliyi Kalvert Luyin üçün “Everton”a 25 milyon avro ödəməyə hazırdır. İtaliya klubunun rəhbərliyi Kalvert Luyinin meneceri ilə danışıqlara başlayıb.
27 yaşlı futbolçunun “Everton” klubu ilə müqaviləsi mövsümün sonunda başa çatacaq.
Kalvert Luyin “Milan”da çıxış etməyə müsbət yanaşır.
Qeyd edək ki, Dominik Kalvert Luyin bu mövsüm bütün turnirlər daxil olmaqla çıxış etdiyi 12 matçda 2 qol və 1 asistlə yadda qalıb.
