Millimiz İspaniyaya qarşı

İspaniyanın Sitjes bölgəsində qadın şahmatçıların dünya çempionatı davam edir. 

Sportline.az xəbər verir ki, mundialda bu gün qrup mərhələsinə yekun vurulacaq. A qrupunda yer alan Azərbaycan millisi son turda ev sahibləri ilə qarşılaşacaq. 

Dörd turdan sonra hesabında 2 xal olan yığmamıza ilk "dörd"lüyə düşüb, növbəti mərhələyə yüksəlmək üçün bu matçda qələbə kifayət etməyə bilər. Bunun üçün əlavə göstəricilərə görə xanımlarımızdan öndə olan Fransa komandasının Hindistanla görüşdə ən azı heç-heçə etməsi lazımdır. Fransızların uduzacağı təqdirdə millimizi "sülh" də 1/4 finala daşıyacaq.

Xatırladaq ki, zəkalarımız sentyabrın 27-də baş tutan ilk iki turda Hindistan və Ermənistan yığmaları ilə heç-heçə edib. Dünən keçirilən III və IV turlarda isə yığma Rusiya və Fransa kollektivlərinə 0,5:3,5 hesabı ilə uduzub.

Qeyd edək ki, dünya çempionatına oktyabrın 2-də yekun vurulacaq.
 
Komandalararası dünya çempionatı

Qrup mərhələsi

A qrupu

V tur
17:00. Azərbaycan - İspaniya

Xal durumu: Rusiya - 8, Ermənistan - 5, Hindistan - 5, Fransa - 2, Azərbaycan - 2, İspaniya - 2