Mourinyonu əsəbləşdirən paylaşım

“Tottenhem”in baş məşqçisi Joze Mourinyo futbolçusu Qaret Beylə hirslənib.

Sportline.az xəbər verir ki, bu haqda “Mirror” nəşri məlumat yayıb. Portuqaliyalı mütəxəssis düşünür ki, uelsli futbolçu İnstaqramdakı paylaşımı ilə onu pərt edib.

Qeyd edək ki, İngiltərə kubokunun “Everton”a qarşı keçirilən 1/8 final matçından (4:5) sonra Mourinyo Beylin zədəsi səbəbindən görüşdə iştirak etmədiyini söyləyib. Amma oyun günü Beyl İnstaqramda məşqdən fotosunu paylaşaraq bu sözləri yazıb: “Bu gün yaxşı məşq oldu”. Bu isə baş məşqçinin qəzəbinə səbəb olub.