"Neftçi" qışı belə keçirəcək

"Neftçi" futbol klubunun qış hazırlıq planı məlum olub. 

Sportline.az xəbər verir ki, paytaxt təmsilçisi Bakıda və Türkiyənin Antalya bölgəsində təlim-məşq toplanışı keçəcək. 

2018-ci il yanvarın əvvəllərində Bakıda bir araya gələcək "ağ-qaralar" bir müddət fiziki hazırlıq üzərində çalışacaqlar. Yanvarın ikinci yarısında isə komanda üzvləri Türkiyənin Antalya bölgəsinə təlim-məşq toplanışına yollanacaqlar. Antalyada texniki-taktiki tapşırıqlar üzərində çalışacaq "Neftçi"nin 5 yoxlama matçı keçirməsi də nəzərdə tutulub. Lakin hələlik toplanışın konkret tarixi və rəqiblərin adları müəyyənləşməyib.

Qeyd edək ki, hazırda flaqman Topaz Premyer Liqasında 11 oyundan 13 xalla 5-ci pillədə qərarlaşıb.