“Nyukasl”dan transfer bombası

“Qalatasaray”da icarə əsasında çıxış edən nigeryalı futbolçu Viktor Osimhenin yanvarda klubdan ayrılacağı gözlənilir.

Sportline.az “Chronicle” saytına istinadən xəbər verir ki, “Nyukasl Yunayted”in rəhbərliyi yanvarda Viktor Osimheni transfer edəcəklərini açıqlayıb.

“Nyukasl”ın Osimhen üçün 70 milyon avro ödəməyə hazır olduğu bildirilir.

“Napoli”nin rəhbərliyi bu təklifə müsbət yanaşır.

Qeyd edək ki, Viktor Osimhen bu mövsüm “Qalatasaray”ın heyətində çıxış etdiyi 9 matçda 8 qol və 3 asistlə yadda qalıb.