Pep Qvardiola: “İnsanlar bizdən bütün matçlarda qələbə qazanmağı tələb edir”

“Mançester Siti”nin ispaniyalı baş məşqçisi Pep Qvardiola mətbuat konfransı zamanı jurnalistlərin suallarını cavablandırıb.

Sportline.az xəbər verir ki, təcrübəli mütəxəsis mətbuat konfransı zamanı bu fikirləri qeyd edib;

“İnsanlar bizdən bütün matçlarda qələbə qazanmağı tələb edir. Bəzən deyirlərki hər matçda 5 qol vurun. Bu mümkünsüzdür. Çünki mövsüm ərzində 60-70 oyun olur. Hər matça fərqli hazırlanırıq. Bizim hazırda 9 futbolçumuz zədəlidir. Belə şərtlər əsasında oynamaq çox çətindir”, - deyə P.Qvardiola bildirib.

Qeyd edək ki, “Mançester Siti” son matçında səfərdə “Bormut”a 1:2 hesabı ilə məğlub olmuşdu.