"Qarabağ" bu gün Avstriyada iki yoxlama oyunu keçirəcək
Avstriyada təlim-məşq toplanışında olan "Qarabağ" bu gün iki yoxlama oyunu keçirəcək.
Sportline.az xəbər verir ki, Qurban Qurbanovun komandası ilk matçında Almaniyanın "Kayzerslautern" komandası ilə üz-üzə gələcək.
Qarşılaşma Bakı vaxtı ilə saat 14:30-da başlanacaq.
"Köhlən atlar" saat 20:00-da isə Çexiyanın "Viktoriya" (Plzen) kollektivi ilə qarşılaşacaq.
"Qarabağ"ın Tirolda 4 yoldaşlıq oyunu keçirməsi nəzərdə tutulub. Sonrakı rəqiblər hələlik bəlli deyil.
