"Qarabağ"ın futbolçusu: "Sabahkı oyun çox maraqlı olacaq"
"Lion"la matç çox maraqlı olacaq".
Sportline.az xəbər verir ki, bunu "Qarabağ"ın futbolçusu Yassin Benzia UEFA Avropa Liqasının Liqa mərhələsinin V turunda Bakıda "Lion"la (Fransa) oyundan əvvəl keçirilən mətbuat konfransında bildirib.
30 yaşlı yarımmüdafiəçi qarşılaşmanın onun üçün xüsusi əhəmiyyət daşıdığını vurğulayıb:
"Lion"da çox böyük fərq var. Mən oynadığım zamanda da yaxşı performans göstərirdilər. İndi də yüksək səviyyəli kollektiv var. "Qarabağ" sözünün mənası bizim üçün xüsusi əhəmiyyət daşıyır. Ona görə də klubun uğurları üçün əlimizdən gələni etməliyik. Baş məşqçimiz Qurban Qurbanov da çox güclü mütəxəssisdir".
Qeyd edək ki, noyabrın 28-də Tofiq Bəhramov adına Respublika stadionunda təşkil ediləcək "Qarabağ" - "Lion" görüşü saat 21:45-də start götürəcək. Benzia 2011-2015-ci illər aralığında "Lion"un formasını geyinib.
