"Real Madrid" yeni qapıçı axtarışındadır
"Real Madrid" klubu yay transfer dönəmində heyətinə yeni qapıçı transfer etmək istəyir.
Sportline.az "The Sun Football" nəşrinə istinadən xəbər verir ki, "Brayton"un niderlandlı kiperi Bart Verbrüggen "Real Madrid"in transfer siyahısında yer alır.
22 yaşlı futbolçunun hazırkı dəyəri "Transfermarkt" portalına görə, 25 milyon avrodur.
Qeyd edək ki, B.Verbrüggen bu mövsüm çıxış etdiyi 38 matçda qapısında 57 top görüb.
