“Real Madrid” “Zaltsburq”la oyuna itkilərlə çıxacaq
Bu gün UEFA Çempionlar Liqasının Liqa mərhələsində VII tura yekun vurulacaq.
Sportline.az xəbər verir ki, son çempion “Real Madrid” “Santiaqo Bernabeu” stadionunda “Zaltsburq”u sınağa çəkəcək.
“Real Madrid”də itkilərin sayı kifayət qədərdir. Dani Karvaxal, Eder Militao, Kamavinqa zədə, Lukas Vazkez isə cəza səbəbindən matçı buraxmalı olacaq.
“Zaltsburq”da isə Daouda Quindo, Maurits Kayerqaard və Kərim Konate baş məşqçi Tomas Letsin sərəncamında olmayacaq.
Qeyd edək ki, Qlen Niberqin idarə edəcəyi oyun Bakı vaxtı ilə gecə yarısı saat 12-də başlanacaq.
