Ronaldo karyerasını bu klubda başa vuracaq
“Əl-Nəsr”in ulduz futbolçusu Kriştiano Ronaldo karyerasını “Sportinq” klubunda bitirəcəyini açıqlayıb.
Sportline.az xəbər verir ki, 39 yaşlı futbolçu jurnalistlərə müsahibə verən zaman bu fikirləri səsləndirib;
“Xidmətimin bir mövsümünü olsa belə, bunu onlar üçün etməliyəm. Heç kim məndə xüsusi bir şey görmədiyi halda məni kəşf etdilər, məni yaratdılar və onlar olmasaydı, yəqin ki, “McDonalds”da işləyəcəkdim. Karyeramı “Sportinq”də bitirəcəm”, - deyə K.Ronaldo bildirib.
Qeyd edək ki, Ronaldo daha əvvəl “Sportinq”, “Mançester Yunayted”, “Real Madrid” və “Yuventus” kimi klubların şərəfini qoruyub.
