Rusiya klubları bu yay transferə 76.2 milyon dollar xərcləyiblər

Rusiya klublarının yay transfer pəncərəsində yeni oyunçuların alınması üçün ümumi xərcləri 76,2 milyon dollar təşkil edib.

Sportline.az xəbər verir ki, bu barədə FİFA-nın rəsmi saytı məlumat yayıb.

Rusiya Federasiyasının komandaları bu transfer pəncərəsində 116 futbolçu alıb, 110 futbolçu  satıb.Satışdan əldə olunan gəlir 30,3 milyon dollar təşkil edib. Alınan və satılan futbolçuların orta yaşı 24,2-dir.

Yayda ümumilikdə 11 min transfer edildi ki, bu da bütün zamanların rekordu idi. 2023-cü ildə eyni dövrdə klublar 10 490 transfer həyata keçirib. Ümumilikdə, klublar transferlərə 6,46 milyard dollar xərcləyib.

Qeyd edək ki, transferə ən çox pul xərcləyən komandalar 1.69 milyard dollar ilə İngiltərə klubları olub.