"Sabah" "Zirə"ni məğlub edərək Azərbaycan kubokunun sahibi olub

Bu gün 2025/26 mövsümü futbol üzrə Azərbaycan kubokunun final oyunu keçirilib.

Sportline.az xəbər verir ki, həlledici matçda artıq Azərbaycan çempionu adını təmin edən “Sabah”la “Zirə” üz-üzə gəlib. Matç "Sabah"ın 2:1 hesablı qələbəsi ilə yekunlaşıb. Beləliklə, Valdas Dambrauskasın komandası ölkə kubokunu da qazanmaqla "qızıl dubl" edib.

Xatırladaq ki, “Sabah” kubokun son qalibidir, “Zirə” isə bunadək 2 dəfə finala vəsiqə əldə etsə də, kuboku qazana bilməyib. 

13 may (çərşənbə)

20:00. “Sabah” - “Zirə” - 2:1

Qol: Eren Aydın, 4 (0:1), Patrik Mbina, 70 (1:1), Coy Lens Mikels, 90+2 (2:1)

Hakimlər: Elçin Məsiyev, Elşad Abdullayev, Pərvin Talıbov, Əli Əliyev
Ehtiyat köməkçi hakim: Gülnurə Əkbərzadə
VAR: Tural Qurbanov
AVAR: Rəhman İmami
“Palms Sports Arena”