Salah: “Çox məyusam, hələ də “Liverpul”dan yeni müqavilə təklifi almamışam”
“Liverpul”un misirli futbolçusu Mohammed Salah maraqlı açıqlaması ilə gündəmə gəlib.
Sportline.az xəbər verir ki, “Sky Sports” kanalına müsahibə verən Mohamed Salah klubdaki gələcəyi haqqında danışıb.
“Çox məyusam, hələ də “Liverpul”dan yeni müqavilə təklifi almamışam. Dekabr ayına az qalıb, mənə hələ də yeni müqavilə təklifi etməyiblər. Ayrılmaq ehtimalım qalmaqdan daha çoxdur, çünki hər şey məndən asılı deyil. Bilirsiniz ki, uzun illərdir burdayam. Amma vəziyyət mənim əlimdə deyil. Mən azarkeşləri sevirəm, onlar da məni sevirlər. Gözləyək, görək nə olur. Əlbəttə ki, çox məyusam. Karyeramı yaxın müddətdə bitirmək niyyətində deyiləm. İndi sadəcə bu mövsümə köklənmişəm. Premyer Liqanı və ümid edirəm ki, Çempionlar Liqasının qalibi olacağam”, - deyə Salah bildirib.
Qeyd edək ki, Mohamed Salahın “Liverpul”la müqavilə mövsümün sonunda başa çatacaq.
32 yaşlı futbolçu bu mövsüm bütün turnirlər daxil olmaqla çıxış etdiyi 18 matçda 12 qol 10 asistlə yadda qalıb.
