Şahmatçımızın Amerikadakı turniri yekunlaşdı
ABŞ-ın Sent Luis şəhərində "Fişer şahmatı" (şahmat-960) üzrə "Champions Showdown" turniri başa çatıb.
Sportline.az xəbər verir ki, Azərbaycan şahmatçısı Şəhriyar Məmmədyarov dairəvi sistem üzrə keçirilən yarışın son üç turunda müvafiq ardıcıllıqla Levon Aronyan (Ermənistan), Fabiano Karuana (ABŞ) və Pyotr Svidler (Rusiya) ilə qarşılaşıb.
Aronyan və Svidlerə uduzan 36 yaşlı qrossmeysterimiz Karuana üzərində qələbə qazanıb.
Beləliklə, Məmmədyarov doqquz turdan 3,5 xalla 10 iştirakçı arasında səkkizinci yeri tutub. Turnirin qalibi aktivinə 6 xal yazan Lenyer Dominqes (ABŞ) olub.
Qeyd edək ki, turnirin mükafat fondu 150 min dollar təşkil edib.
