Taekvondoçularımız Avropa çempionatında 31 medal qazandılar

Türkiyənin Antalya şəhərində klublararası Avropa çempionatına yekun vurulub. Sportline.az Azərbaycan Taekvondo Federasiyasına istinadən xəbər verir ki, taekvondoçularımız yarışın son günündə daha 6 medal qazanıblar.

40 ölkədən 900-dən çox idmançının qatıldığı çempionatda Rio Olimpiadasının  bürünc mükafatçıları Milad Beigi Harçeqani (80 kq) və Patimat Abakarova (53 kq, hər ikisi “Gilan” İK) yarışın qalibi olub. Olimpiya çempionumuz Radik İsaev (+87 kq, “Gilan” İK) və Ramin Əzizov (87 kq, “Qafqaz” TK) isə həlledici döyüşdə uduzduqlarından gümüş medalla kifayətlənib. Daha 3 idmançımız - Yaprak Eriş (57 kq), Fəridə Əzizova (67 kq, hər ikisi “Gilan” İK) və Ceyhun Həsənli (+87 kq, “Savalan” TK) isə yarışı yarımfinal mərhələsində başa vurub.

Beləliklə, idmançılarımız 4 gün davam edən klublararası Avropa çempionatını 31 (9-10-12) medalla yekunlaşdırblar. Nəticələrə əsasən “Gilan” İdman Klubu bütün yaş kateqoriyaları üzrə ümumi komanda hesabında qitə çempionu adına yiyələnib. Qeyd edək ki, sabah G2 kateqoriyalı “Turkish Open” beynəlxalq turnirinin startı veriləcək. Milli komandalarımızın üzvləri, habelə bir sıra klublarımız bu yarışda da qüvvələrini sınayacaq.