Ten Haq "Mançester Yunayted"i 650 milyon avro xərcə salıb

"Mançester Yunayted" Erik ten Haqın baş məşqçiliyi dövründə transferlərə 650 milyon avro xərcləyib.

Sportline.az xəbər verir ki, niderlandlı mütəxəssis heyətə bir sıra tanınmış futbolçular cəlb etmişdi.

Onların sırasında Kazemiro, Antoni, Andre Onana, Lisandro Martines, Rasmus Hoylund və Meyson Mauntun adı var. 

Qeyd edək ki, "Mançester Yunayted" rəhbərliyi bu gün Erik ten Haqla yolları ayırıb.

Onun rəhbərliyi ilə komanda 2023-cü ildə Liqa kubokunu, 2024-cü ildə isə İngiltərə kubokunu qazanmışdı.