UEFA Millətlər Liqasının təqvimi açıqlandı

UEFA Millətlər Liqasının 2020/21 mövsümünün təqvimi açıqlanıb. 

Sportline.az xəbər verir ki, ikinci dəfə keçiriləcək yarışın qrup mərhələsi 2020-ci ilin 3 sentyabrında başlanacaq və noyabrın 17-də başa çatacaq. Final mərhələsi isə 2021-ci ilin 2-6 iyun tarixlərində keçiriləcək.

Turnir yenə 4 divizionda baş tutacaq. A, B və C liqalarında 16, D liqasında 7 komanda mübarizə aparacaq. İlk 3 liqada komandalar 4 qrupa bölünəcək (hərəsində 4 komanda). D liqasında isə birində 4, digərində 3 yığma olan iki qrup olacaq.

Püşkatma mərasimi gələn ilin martın 3-də Amsterdamda keçiriləcək. Azərbaycan millisi C liqasında yarışacaq.

A liqasının qrup qalibləri final mərhələsinə vəsiqə qazanacaq, sonuncuları B liqasına düşəcək. B liqasında 1-ci yer sahibləri A liqasına yüksələcək, sonuncular C liqasına yuvarlanacaq.

C liqasında qrup qalibləri B liqasına yüksəlmək hüququ qazanacaq, sonuncu yer tutanlar pley-off-da D liqasına düşən 2 uğursuzu müəyyənləşdirəcək. Bu iki uğursuzu D liqasında qrup qalibi olanlar əvəzləyəcək.

A Liqası: Portuqaliya (son çempion), Hollandiya, İngiltərə, İsveçrə, Belçika, Fransa, İspaniya, İtaliya, Bosniya və Herseqovina, Ukrayna, Danimarka, İsveç, Xorvatiya, Polşa, Almaniya, İslandiya.

B Liqası: Rusiya, Avstriya, Uels, Çexiya, Şotlandiya, Norveç, Serbiya, Finlandiya, Slovakiya, Türkiyə, İrlandiya, Şimali İrlandiya, Bolqarıstan, İsrail, Macarıstan, Rumıniya.

C Liqası: Yunanıstan, Albaniya, Monteneqro, Gürcüstan, Şimali Makedoniya, Kosovo, Belarus, Kipr, Estoniya, Sloveniya, Litva, Lüksemburq, Ermənistan, Azərbaycan, Moldova, Qazaxlstan

D liqası: Cəbəllütarıq, Farer adaları, Latviya, Lixtenşteyn, Andorra, Malta, San-Marino.

 

UEFA Millətlər Liqası

2020-ci il

 

I tur

3-5 sentyabr

 

II tur

6-8 sentyabr

 

III tur

8-10 oktyabr

 

IV tur

11-13 oktyabr

 

V tur

12-14 noyabr

 

VI tur

15-17 noyabr

 

2021-ci il

Final mərhələsi

2-6 iyun