Vüqar Həşimov Memorialı: Məmmədyarov Məmmədova qalib gəlib, Ananda uduzub
Azərbaycanın görkəmli şahmatçısı, Avropa çempionu Vüqar Həşimovun xatirəsinə həsr olunan 7-ci beynəlxalq superturnirdə bu gün növbəti oyunlar baş tutub.
Sportline.az xəbər verir ki, IV turda Azərbaycan təmsilçiləri - Şəhriyar Məmmədyarov və Rauf Məmmədov üz-üzə gəliblər. İlk 2 partiyada heç-heçə qeydə alındığından armageddon oynanılıb. Burada daha güclü olan Məmmədyarov yekunda 2:1 hesablı qələbə qazanıb.
Bu turda digər Azərbaycan şahmatçısı Vüqar Əsədli isə macarıstanlı Riçard Rapport ilə qarşılaşıb. Əsədli ilk partiyada sülh bağlasa da, növbəti dueldən məğlub ayrılıb.
V turda Məmmədyarov hindistanlı Vişvanatan Anandla üz-üzə gəlib. İlk iki görüşdə qalib müəyyənləşməyib və bu dəfə Məmmədayarovun özü armageddonda uduzub. Əsədli isə çexiyalı David Navara ilə bacarmayıb - 0:2.
IV tur
İlk görüşlər
Şəhriyar Məmmədyarov - Rauf Məmmədov - 0,5:0,5
Riçard Rapport (Macarıstan) - Vüqar Əsədli - 0,5:0,5
David Navara (Çexiya) - Fabiano Karuana (ABŞ) - 0:1
Sergey Karyakin (Rusiya) - Vişvanatan Anand (Hindistan) - 0,5:0,5
Cavab görüşləri
Rauf Məmmədov - Şəhriyar Məmmədyarov - 0,5:0,5
Vüqar Əsədli - Riçard Rapport (Macarıstan) - 0:1
Fabiano Karuana (ABŞ) - David Navara (Çexiya) - 0:1
Vişvanatan Anand (Hindistan) - Sergey Karyakin (Rusiya) - 0:1
Armageddon
Şəhriyar Məmmədyarov - Rauf Məmmədov - 1:0
Fabiano Karuana (ABŞ) - David Navara (Çexiya) - 1:0
V tur
İlk görüşlər
Vişvanatan Anand (Hindistan) - Şəhriyar Məmmədyarov - 0,5:0,5
Vüqar Əsədli - David Navara (Çexiya) - 0:1
Rauf Məmmədov - Riçard Rapport (Macarıstan) - 0:1
Fabiano Karuana (ABŞ) - Sergey Karyakin (Rusiya) - 0,5:0,5
Cavab görüşləri
Şəhriyar Məmmədyarov - Vişvanatan Anand (Hindistan) - 0,5:0,5
David Navara (Çexiya) - Vüqar Əsədli - 1:0
Riçard Rapport (Macarıstan) - Rauf Məmmədov - 1:0
Sergey Karyakin (Rusiya) - Fabiano Karuana (ABŞ) - 0,5:0,5
Armageddon
Şəhriyar Məmmədyarov - Vişvanatan Anand (Hindistan) - 0:1
Fabiano Karuana (ABŞ) - Sergey Karyakin (Rusiya) - 0,5:0,5
Qeyd edək ki, Vüqar Həşimov Memorialına dekabrın 23-də yekun vurulacaq. V turdan sonra Karuana və Rapport hərəyə 11 xalla turnir cədvəlinə başçılıq edir. Karyakin 10 xalla 3-cü pillədə qərarlaşıb. Hərəyə 8 xalı olan Məmmədyarov və Navara 4-5-ci yerləri bölüşdürür. Məmmədov 6 xalla 6-cı, Anand 3 xalla 7-ci, Əsədli isə 1 xalla sonuncudur.
