WKF karate üzrə dünya çempionatı Bakıda?

Bakı  WKF karate üzrə 2018-ci il dünya çempionatına ev sahibliyi edə bilər. SportLine.az xəbər verir ki, bunu Azərbaycan Milli Karate Federasiyasının prezidenti Yaşar Bəşirov bildirib: "Əslində, bu çempionat Peruda keçirilməli idi. Lakin Peru dünya çempionatını keçirməkdən imtina edir. Bu səbəbdən Azərbaycan yarışın keçirilməsinə ev sahibliyi etmək istəyir. Bu, həm də olimpiya öncəsi yaxşı hazırlıq olar". Xatırladaq ki, 2020-ci il karate üzrə Avropa çempionatı da paytaxtımızda  keçiriləcək.