"Zenit" argentinalı futbolçu ilə rəsmi müqavilə imzalayıb

Argentinalı hücumçu Lusiano Qondu "Zenit"in futbolçusu olub.

Sportline.az Sport24.ru-ya istinadla xəbər verir ki, Rusiya klubu 23 yaşlı futbolçu ilə 4 illik müqavilə imzalayıb.

"Argentinos Xuniors" klubundan heyətə cəlb olunan Qondu ötən mövsüm 21 oyunda 5 qol və 4 məhsuldar ötürmə ilə yadda qalıb.

Transfermark portalında oyunçunun transfer dəyəri 10 milyon avrodur.

Qeyd edək ki, "Zenit" RPL-da 6 turdan sonra 14 xalla ikinci sırada qərarlaşıb. Yarış cədvəlinə 15 xalla "Lokomotiv" başçılıq edir.