"Zenit"in yeni mövsüm üçün formaları təqdim olunub

"Zenit" klubu 2024/2025 mövsümündə geyinəcəyi formaları təqdim edib.

Sportline.az xəbər verir ki, bu barədə Rusiya klubunun Telegram kanalı mətbuat yayıb.

Klub yeni formaların təqdimatını bu mətnlə açıqlayıb.

"Şir- Sankt-Peterburqun əsas simvollarından biridir. O, gücü, cəsarəti təcəssüm etdirir. O, heyvanların şahıdır və təəccüblü deyil ki, Sankt-Peterburqun əzəmətli küçələrini, körpülərini, saraylarını, parklarını yüzlərlə daş şir bəzəyir.

Şir- "Zenit"in simvoludur. Bu, Sankt-Peterburq klubunun keçən mövsümün sonunda göstərdiyi, haqlı olaraq ona məxsus olan çempionluq titulunu rəqiblərinin əlindən qopardığı nəhəng gurultu, barışmazlıq və qələbə istəyidir. Məhz bu aslanın iradəsi yeni formanın ideoloji əsası oldu". deyə mətndə bildirilib.

Qeyd edək ki, Rusiya Premyer Liqasında yeni mövsüm iyulun 20-də start götürəcək. Son çempion "Zenit" ilk turda "Krılya Sovetov"la qarşılaşacaq.