"Kəpəz"in baş məşqçisi: "1 xal qazanmağımız yaxşı nəticədir"
"1 xal qazanmağımız yaxşı nəticədir".
Sportline.az xəbər verir ki, bunu "Kəpəz"in baş məşqçisi Azər Bağırov "Araz-Naxçıvan"a qarşı Azərbaycan Premyer Liqasının XXII turunun oyunundan sonra baş tutan mətbuat konfransında deyib.
O, heç-heçə ilə başa çatan görüşü şərh edib:
"Çətin oyun oldu. Xalsız dönmək istəmirdik. Zədəli, cəzalı futbolçumuz vardı. Buna baxmayaraq rotasiya edə bildik. Qarşılaşmada məğlub da ola bilərdik. Rəqibin ustalığı, keyfiyyəti göstərdi ki, futbol oynaya bilirlər. Futbolçularıma təşəkkür edirəm. Meydanda vuruşdular. Bəlkə də birinci hissənin sonunda təkbətək epizodu vura bilsəydik nəticə tam başqa cür olardı. Rəqib üstümüzə daha çox gəlməyə başlayacaqdı. İkinci hissə bizim üçün çətin başladı. Amma yekunda bir xal qazandıq. Məncə, yaxşı nəticədir".
Qeyd edək ki, XVIII turun "Araz-Naxçıvan" - "Kəpəz" görüşündə hesab açılmayıb.
