AÇ: Üç boksçumuz medal döyüşünə çıxır

Bolqarıstanın paytaxtı Sofiyada gənclər arasında boks üzrə Avropa birinciliyi davam edir.

Sportline.az xəbər verir ki, bu gün yarışda 1/4 final görüşləri keçiriləcək. Təmsilçilərimizdən Kənan Babayev (48 kq), Amin Məmmədzadə (51 kq) və Sərxan Budaqov (80 kq) bu mərhələdə mübarizə aparacaq. Onlar yarımfinala yüksələcəyi təqdirdə ən azı bürünc medalı təmin edəcəklər.

Qeyd edək ki, Avropa birinciliyində 40 ölkədən 400-dən çox boksçu qüvvəsini sınayır. Azərbaycan millisi oğlanların yarışına tam heyətlə qatılıb. Qaliblər aprelin 21-də məlum olacaq.