"Arsenal"ın və İtaliya millisinin oyunçusu Fransa ilə matçda zədələnib
"Arsenal"ın və İtaliya millisinin müdafiəçisi Rikardo Kalafiori Millətlər Liqası çərçivəsində Fransaya qarşı keçirilən oyunda zədələnib.
Sportline.az Soccer.ru-ya istinadla xəbər verir ki, Usman Dembele ilə mübarizədə zədə alan futbolçu görüşün 70-ci dəqiqəsində meydanı tərk etməli olub.
Bildirilir ki, 22 yaşlı futbolçunun durumu tibbi müayinədən sonra bəlli olacaq.
Qeyd edək ki, Parisdə keçirilən görüş "Skuadra Adzurra"nın 2-1 hesablı qələbəsi ilə yekunlaşıb.Onlar növbəti oyununu sentyabrın 9-da İsrailə qarşı keçirəcəklər.
