Asiya Kubokunda Azərbaycanı dörd cüdoçu təmsil edəcək

İyulun 3-4-də Qazaxıstanın Almatı şəhərində keçiriləcək yeniyetmələr arasında Asiya Kubokunda Azərbaycanı dörd cüdoçu təmsil edəcək.

Bu barədə Sportline.az-a Azərbaycan Cüdo Federasiyasının (ACF) mətbuat xibmətindən məlumat verilib.

Qızlardan Fatimə Abdullayeva (44 kq), Könül Eyvazlı (52 kq), oğlanlardan Nicat Şıxızadə (60 kq) və İlkin Qarayev (66 kq) tatamiyə çıxacaqlar.

Onlar ACF prezidentinin müşaviri Natiq Bağırovun rəhbərliyi altında yarışa qatılacaqlar.

Qeyd edək ki, turnirdə 10 ölkədən 459 idmançı qüvvəsini sınayacaq.