Azərbayca millisi Farer adalarına yollanıb

Gümüş Avropa Liqasında çıxış edən kişi voleybolçulardan ibarət Azərbaycan millisi 3-cü tura ev sahibliyi edəcək Farer adalarına yola düşüb.

Bu barədə Sportline.az-a Azərbaycan Voleybol Federasiyasının mətbuat xidmətindən məlumat verilib.

Turnirin iyunun 20-22-də baş tutacaq üçüncü turunda Azərbaycan yığmasının rəqibləri Farer adaları və Avstriya komandaları olacaq.