"Kəpəz", "Zirə" və "Qəbələ" növbəti mərhələdə
Bu gün Azərbaycan kubokunda 1/8 final mərhələsinə yekun vurulacaq.
Sportline.az xəbər verir ki, son oyun günü üçün nəzərdə tutulan 3 matçdan 2-si artıq başa çatıb.
“Qəbələ" səfərdə 1-ci divizion təmsilçisi “Turan Tovuz”un qonağı olub və 2 cavabsız qolla qalib gəlib. Beləliklə, əyalət təmsilçisi 1/4 finalda “Qarabağ”la qarşılaşacaq.
16:00-da başlayan görüşdə isə “Qaradağ Lökbatan” “Zirə”ni qəbul edib. Böyük hesabla qalib gələn "Zirə" 1/4 finalda "Neftçi" ilə üz-üzə gələcək.
“Sabah” isə “Kəpəz”i sınağa çəkib. Paytaxtdakı qarşılaşmada mərhələ keçən "Kəpəz" növbəti mərhələdə “Keşlə”yə rəqib olub.
Xatırladaq ki, artıq 1/4 finalın ilk cütlüyü bəllidir. Ötən gün “Zaqatala”nı 3:2 hesabı ilə məğlub edən "Səbail" növbəti mərhələdə "Sumqayıt"la qarşılaşacaq.
25 yanvar
Azərbaycan kuboku
1/8 final
16:00. “Qaradağ Lökbatan” – “Zirə” - 0:4
Qol: Nemanya Andelkoviç, 12 (0:1), Davit Volkov, 27 (0:2), Musa Qurbanlı, 30 (0:3), Davit Volkov, 45+1 (0:4)
Hakimlər: Nicat İsmayıllı, Elşad Abdullayev, Müslüm Əliyev, Kamal Umudlu
“Dalğa Arena”
14:00. “Turan Tovuz” – “Qəbələ” - 0:2
Qol: Stefan Vukçeviç, 32, Ceyms Adeniyi, 45+2
Hakimlər: Rauf Allahverdiyev, Pərvin Talıbov, Cəmil Quliyev, Kamranbəy Rəhimov
Tovuz şəhər stadionu
17:00. “Sabah” – “Kəpəz” 1:2
Qollar: Filip İvanoviç, 45+1 (1:0), Samir Qurbanov, 68 (1:1), Əli Səmədov, 84 (1:2)
Hakimlər: Fərid Hacıyev, Akif Əmirəli, Rahil Ramazanov, Tural Qurbanov
“Bank Respublika Arena”
24 yanvar
"Səbail" - "Zaqatala" - 3:2
1/4 final cütləri
“Sumqayıt” – “Səbail” cütünün güclüsü ilə “Qarabağ” – “Qəbələ” matçının qalibi
“Keşlə” - “Sabah” – “Kəpəz” oyununun qalibi
“Neftçi” - “Qaradağ Lökbatan” – “Zirə” oyunun qalibi
Qeyd edək ki, 1/4 finalın ilk matçları 1-2 fevralda, cavab görüşləri isə 6-7 fevralda keçiriləcək.