Azərbaycanın ən gənc paralimpiya çempionu: "Medalı vətənimə həsr edirəm"

"19 yaşımda ilk dəfə paralimpiadada iştirak etdim və qızıl medal qazandım. Həmçinin paralimpiada rekordunu da qırdım. Məqsədim dünya rekordu idi. O isə növbəti paralimpiadaya qaldı".

Sportline.az xəbər verir ki, bu fikirləri Tokio-2020 Yay Paralimpiya Oyunlarında qızıl medal qazanan Azərbaycanın para-üzgüçüsü Vəli İsrafilov deyib.

100 metr məsafəyə brass üsulu ilə üzmə yarışında bütün rəqiblərini geridə qoyan idmançı ideal nəticə göstərdiyini söyləyib: "Bu medalımı vətənimə həsr edirəm. Prezident İlham Əliyevə biz idmançılara yaxşı şərait yaratdığı üçün təşəkkürümü bildirirəm".

Qeyd edək ki, Vəli İsrafilov Azərbaycanın ən gənc paralimpiya çempionu kimi tarixə düşüb.