"Borussiya" yeni hücumçu aldı
Erlinq Haalandı "Mançester Siti"yə satan "Borussiya" (Dortmund) heyətinə yeni hücumçu cəlb edib.
Sportline.az klubun rəsmi saytına istinadən xəbər verir ki, Bundesliqa təmsilçisi Avstriya "Zaltsburq"undan Kərim Adeyemi ilə 5 illik müqavilə bağlayıb.
Qeyd edək ki, 20 yaşlı forvard "Zaltsburq"da keçirdiyi 41 oyunda 23 qol və 5 məhsuldar ötürmə ilə yadda qalıb. O, Almaniya millisinə də çağırılır.
