"Budyo Qlimt" - "Qarabağ" oyununun hakimləri müəyyənləşdi
UEFA Avropa Liqasının Liqa mərhələsinin "Budyo Qlimt" - "Qarabağ" oyununun təyinatları bəlli olub.
Sportline.az xəbər verir ki, görüşü Portuqaliyadan olan hakimlər briqadası idarə edəcək.
FIFA referisi Luiş Qodinyuya Ruy Teyşeyra və Pedru Almeyda yardımçı olacaq. Dördüncü hakim funksiyasını Andre Narsişu yerinə yetirəcək. VAR-a Hüqo Migel, AVAR-da Fabio Oliveyra Melo cavabdehdir.
Qeyd edək ki, "Budyo Qlimt" - "Qarabağ" oyunu noyabrın 7-də, saat 21:45-də başlanacaq.
