Çempionlar Liqası: "Real", PSJ, "Siti" qalib gəldi

Çempionlar Liqasında qrup mərhələsinə start verilib.

Sportline.az xəbər verir ki, ilk oyun günündə E, F, G və H qruplarında ümumilikdə 8 oyun keçirilib.

Azərbaycan millisinin hücumçusu Mahir Emrelinin çıxış etdiyi Zaqreb "Dinamo"su E qrupunda İngiltərənin "Çelsi" klubu ilə üz-üzə gəlib. Matç xorvatların minimal hesablı qələbəsi ilə başa çatıb. Mahir sona qədər ehtiyatda qaləb. Qrupun digər matçında İtaliya "Milan"ı Avstriyada "Zalsburq"la qollu heç-heçəyə razılaşıb.

Turnirin son qalibi "Real" səfərdə "Seltik"lə qarşılaşıb və böyük hesabla qalib gəlib. Turnirin əsas favoritlərindən PSJ evdə "Yuventus"u 2:1, "Mançester Siti" səfərdə "Sevilya"nı 4:0 məğlub edib.

İlk turun digər 8 matçı sentyabrın 7-də oynanılacaq.

Çempionlar Liqası
Qrup mərhələsi
I tur

6 sentyabr

E qrupu

20:45. "Dinamo" (Zaqreb, Xorvatiya) - "Çelsi" (İngiltərə) - 1:0
Qol: Orşiç, 13

23:00. "Zalsburq" (Avstriya) - "Milan" (İtaliya) - 1:1
Qollar: Okafor, 28 - Salemakers, 40

F qrupu

23:00. "Leypsiq" (Almaniya) - "Şaxtyor" (Donetsk, Ukrayna) - 1:4
Qollar: Simakan, 57 - Şved, 16, 59, Mudrik, 77, L.Traore, 85

23:00. "Seltik" (Şotlandiya) - "Real Madrid" (İspaniya) - 0:3
Qollar: V.Junior, 57, Modriç, 60, E.Azar, 77

G qrupu

20:45. "Borussiya" (Dortmund, Almaniya) - "Kopenhagen" (Danimarka) - 3:0
Qollar: Roys, 35, Qerreyru, 42, Bellinqem, 83

23:00. "Sevilya" (İspaniya) - "Mançester Siti" (İngiltərə) - 0:4
Qollar: Holann, 20, 67, Foden, 58, R.Diaş, 90+2

H qrupu

23:00. PSJ (Fransa) - "Yuventus" (İtaliya) - 2:1
Qollar: Mbappe, 6, 22 - Makkenni, 53

23:00. "Benfika" (Portuqaliya) - "Makkabi" (Hayfa, İsrail) - 2:0
Qol: R.Silva, 50, Qrimaldo, 55