Daha 4 cüdoçumuz tatamiyə çıxacaq

Bu gün daha 4 cüdoçumuz Rusiyanın Kazan şəhərində keçirilən Böyük Dəbilqə turnirində mübarizəyə başlayır.

Sportline.az xəbər verir ki, 73 kq-da Rəşad Məmmədəliyev və Nurlan Osmanov, 81 kq-da isə Murad Fətiyev və Hidayət Heydərov medal qazanmağa çalışacaq.

Böyük Dəbilqə

6 may

Kişilər

73 kq
1/16 final. Rəşad Məmmədəliyev - Antoni Zinqq (Almaniya) / Maxmadbek Maxmadbekov (Rusiya) cütünün qalibi
1/32 final. Nurlan Osmanov - Georgios Azoidis (Yunanıstan)

81 kq
1/16 final. Murad Fətiyev - Terens Kuamba (Qabon)
1/32 final. Hidayət Heydərov - Asad Masabirov (Qırğızıstan)

Qeyd edək ki, Böyük Dəbilqəyə mayın 7-də yekun vurulacaq. Yarışda 79 ölkədən 244 kişi və 164 qadın olmaqla, ümumilikdə 408 cüdoçu qüvvəsini sınayır. Azərbaycanın 5 idmançısı ilk günü medalsız başa vurub.