AÇ: Daha bir boksçumuz mübarizəyə qoşulur

Bolqarıstanın paytaxtı Sofiyada gənclər arasında boks üzrə Avropa birinciliyi davam edir.

Sportline.az xəbər verir ki, yarışın beşinci günündə daha bir boksçumuz mübarizəyə qoşulacaq. 86 kq-da yer alan Fətəli İsmayılov 1/4 finalda Oğuzxan Türk (Türkiyə) ilə qarşılaşacaq.

Xatırladaq ki, əvvəlki yarış günlərində millimizin üzvlərindən Kənan Babayev (48 kq), Amin Məmmədzadə (51 kq) və Sərxan Budaqov (80 kq) rəqiblərini məğlub edərək 1/4 finala vəsiqə qazanıblar. Onlar növbəti qarşılaşmalarını aprelin 19-da keçirəcəklər.

Qeyd edək ki, Avropa birinciliyində 40 ölkədən 400-dən çox boksçu qüvvəsini sınayır. Azərbaycan millisi oğlanların yarışına tam heyətlə qatılıb. Qaliblər aprelin 21-də məlum olacaq.