Djokoviç və Federer eyni qrupda
ATP seriyalı tennis turnirinin püşkü atılıb. SportLine.az xəbər verir ki, Londonun 20 minlik "02 Arena"sında keçiriləcək yarışda dünya reytinqinin lideri, serbiyalı Novak Djokoviç, "Uimbldon" turnirinin 7 qat qalibi Roje Federer, çexiyalı Tomas Berdıx və yaponiyalı Kei Nişikori eyni qrupda mübarizə aparacaq.
İspaniyalı Rafael Nadal həmvətəni David Ferrer, britaniyalı Endi Mörri və Fransa Açıq çempionatının qalibi isveçrəli Sten Vavrinka ilə eyni qrupda yer alıb.
Qeyd edək ki, qrup mərhələsini ilk iki pillədə tamamlayan raketka ustaları yarımfinal mərhələsində münasibətlərə aydınlıq gətirəcəklər.
