Dünya Çimərlik Oyunlarında daha bir medal
Azərbaycan seçmə komandası Qətərdə keçirilən I Dünya Çimərlik Oyunlarında daha bir medal qazanıb.
Sportline.az xəbər verir ki, akvatlon (üzmə, və qaçışdan ibarət multi-idman) növü üzrə qarışıq komanda yarışında Rostislav Pevtsov və Kseniya Levskovskayadan ibarət cütlük gümüş medal əldə edib. Onlar 1 saat 3,55 dəqiqə göstərici ilə ikinci olublar. İspaniya (1.03:43) qızıl, Macarıstan isə (1.04:31) bürünc medal götürüb.
Qeyd edək ki, bunadək akvatlon növü üzrə fərdi yarışlarda Levskovskaya gümüş, Pevtsov isə bürünc medal qazanıb. Həmçinin Pənah İlyaslı (70 kq) çimərlik güləşində ikinci yeri tutub.
